Aath Prathamik Shikshakance Aatmvruttaआठ प्राथमिक शिक्षकांची आत्मवृत संपादक नामदेव माळी

या प्रयोगासाठी मी मुद्दाम वेगवेगळ्या प्रकारच्या शाळा निवडल्या. नंदीवालेवस्ती, गोसावीवस्ती, पारधी समाज, सधन शेती- बाजारपेठ असणारं व्यापारी गाव, फक्त मुली असणारी शाळा, फक्त मुलांची शाळा, कमी पटाची द्विशिक्षकी शाळा, तीनशे-साडेतीनशे पट असणारी शाळा- अशी विविधता मुद्दाम ठेवली आहे. अमुक एका प्रकारच्या शाळेत यश मिळू शकतं, अमुक अडचणी आहेत म्हणून यश मिळू शकत नाही; असं म्हणता येणार नाही. याउलट, या प्रत्येक शाळेत काही ना काही अडचण आहे. त्या अडचणींवर मात करण्यासाठी शिक्षकांना छोटे-मोठे संघर्ष करावे लागले आहेत. कल्पकतेच्या आणि जिद्दीच्या बळावर या शिक्षकांनी आपापल्या शाळा उभ्या केल्या आहेत.