Shrikrishnaniti Samajun Ghetana by Prashant Kulkarni श्रीकृष्णनीती समजून घेताना । लेखक - प्रशांत कुलकर्णी

Book will be Available After 15th December 2025

श्रीकृष्णांची नीती ही एक प्रांत व एक देशापुरती मर्यादित न राहता संपूर्ण जगासाठी मार्गदर्शक आहे. श्रीकृष्णांची राजनीती व रणनीती हे तर मार्गदर्शक आहेतच पण त्यावरोवर आपल्या लाघवी स्वभावाने सर्वांना आपलेसे करणारे लोभस व्यक्तीमत्व बालकृष्ण, यौवनातील निर्मळ मैत्री असलेले राधारमण, गोपिकांबरोबर रासलीला खेळणारे कन्हैय्या, बासरी हे मधुर वाद्य वाजवणारे मुरलीधर, कंस, शिशुपाल, नरकासूरांसारख्या आसुरांचा वध करणारे रौद्र रुपातील श्रीकृष्ण, आबाल वृद्धांना मोहून टाकणारा मोहन, महाभारतयुद्धातील पार्थसारथी, जगाचे व मानव कल्याणाचा मंत्र अर्जुनाला देणारा योगेश्वर, संपूर्ण जगाचा पालनहार युगंधर अशी किती रुपे सांगावी ?

सदर पुस्तकात श्रीकृष्णांच्या जीवनातील ठळक गोष्टींचा अंतर्भाव करून त्यात त्यांच्या नीतीचे दर्शन घडविण्याचा प्रयत्न केला आहे. श्रीकृष्ण जीवन जगत असताना त्यांचा प्रभाव समकालीन महापुरुषांवर तर होताच पण त्याचबरोबर ऐतिहासिक काळात अगदी प्राचीन, मध्ययुगीन व आधुनिक काळातही अनेक संत, तत्वज्ञान, राजे, महाराजे व नेत्यांवर त्यांचा प्रभाव पडलेला दिसतो.

श्रीकृष्णनीती आजच्या धकाधकीच्या जीवनात व येणाऱ्या अडी-अडचणीतून मार्ग काढण्यासाठी प्रत्येकासाठी दीपस्तंभाचे काम करु शकेल याबाबत शंकाच नाही.