Ethics Integrity & Aptitude | नितीतत्वे, प्रामाणिकपणा आणि मानसिक कल

केंद्रीय लोकसेवा आयोगाच्या सनदी सेवेच्या मुख्य परीक्षेला २५० गुणांसाठी सामान्य अध्ययन क्रमांक ४   Ethics, Integrity & Aptitude हा पेपर सक्तीचा आहे. मराठी माध्यमातून परीक्षेची  तयारी करणार्‍या परीक्षार्थींना मराठीत या विषयावर पुरेसे संदर्भ लवकर मिळत नाहीत आणि इंग्रजी वा हिंदी भाषेतील संदर्भ ग्रंथाचा मराठीत अनुवाद करताना त्यांचा मोलाचा वेळ वाया जातो. विद्यार्थ्यांची ही निकड लक्षात घेत मराठी साहित्यिक, केंद्रीय लोकसेवा आयोगाच्या मराठी वाड्मय विषयाचे आवडते प्राध्यापक आणि विचारवंत डॉ कमलेश सोमण यांनी ५०४ पानी नितितत्वे, प्रामाणिकपणा आणि मानसिक कल या वर एक मार्गदर्शक पुस्तिका लिहिली आहे. डॉ. कमलेश सोमण यांनी महेश एलकुंचवार यांच्या नाटकांवर PhD केली असून गेली ४० वर्ष ते मराठी वाड्मय या विषयाचे अध्ययन आणि वैचारिक लिखाण करत मराठी सारस्वताची अविरत सेवा करत आहेत. १९९४ साली केंद्रीय लोकसेवा आयोगाच्या मुख्य परीक्षेसाठी मराठी वाङ्मय हा माझा ऐच्छिक विषय होता आणि त्यासाठी मला डॉ. कमलेश सोमण यांच्यासारखा सकारात्मक विचारवंत गुरू भेटला व भारतात दुसर्‍या क्रमांकाचे, मराठी वाङ्मय विषयासाठी गुण प्राप्त करत मी IPS झालो. माझ्या यशात कमलेश सरांचा मोलाचा वाटा आहे. मराठी माध्यमातून मी केंद्रीय लोकसेवा आयोगाची मुख्य परीक्षा लिहिल्याने मराठीतील संदर्भ ग्रंथाचा अभाव, इंग्रजी वा हिंदी भाषेत उपलब्ध असणार्‍या संदर्भाची मराठी अनुवाद करताना नेमके पर्यायी शब्द न आठवणे आणि त्यामुळे येणारा तणाव, हे सर्व मी स्वतः अनुभवले आहे